उदगीर (प्रतिनिधी) : तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयाचा व्हाॅलीबाॅल संघ १७ वर्ष वयोगटात विभागस्तरावर प्रथम आला आहे.
लातूर येथील जिल्हा क्रीडा संकुलात घेण्यात आलेल्या जिल्हा व विभागीय व्हालीबॉल स्पर्धेत समर्थ माध्यमिक व उच्च माध्यमिक एकुर्का रोड येथील १७ वर्ष वयोगटातील विद्यार्थ्यांनी यश संपादन करत विभागस्तरावर प्रथम येण्याचा मान मिळवला आहे. राज्य स्तरावर हा संघ खेळणार आहे. या यशाबद्दल क्रीडा व युवक कल्याण, बंदरे मंत्री संजय बनसोडे, जि. प. चे माजी उपाध्यक्ष रामचंद्र तिरुके, शिक्षणाधिकारी माध्यमिक नागेश मापरी, शिक्षणाधिकारी प्राथमिक वंदना फुटाणे, गटशिक्षणाधिकारी शफी शेख, विस्तार अधिकारी नितीन लोहकरे, केंद्रप्रमुख आर. डी. घंटेवाड, संस्थासचिव प्राचार्य प्रमोद चौधरी, पर्यवेक्षक सिद्धार्थ बोडके, संस्थासदस्य प्रा. एम. व्ही. स्वामी, प्रा. बी. एस. बाबळसुरे, रसूल पठाण, क्रिडा समन्वयक किरण हाळीघोंगडे, अमर जाधव, संघ व्यवस्थापक अलबक्ष शेख यांच्यासह शिक्षक व शिक्षकेत्तर कर्मचाऱ्यांनी अभिनंदन केले आहे
